SUPLADONG AKLAT ni DOCTOR MUSICO (Filipino Edition)

Si MON DEL ROSARIO o Doc Mon ay isang composer na makulay ang buhay. Pagkatapos niyang tapusin ang degree sa Medicina mula sa University of Sto.Thomas, siya ay sumabak sa Music at Entertainment Industry bilang isang Composer, Musical Arranger, Record Producer at Recording Artist. Siya ang lumikha ng mga classic hits na “Somewhere in My Past”, “Sino ang Baliw?”, “Tamis ng Unang Halik”, “Boy” at ang matagumpay na “Isang Linggong Pag-ibig”. Bilang isang Film Composer, siya ang naglapat ng musical score sa mahigit na 300 pelikula. Ang mga natanggap niyang awards ay ang mga sumusunod: Best Music, Manila Film Festival (1994-1996), Best Musical Score, Pista ng Pelikulang Pilipino (1992), Grand Prize Winner, 1981 Metro Pop Music Festival for Sino ang Baliw?, UST Benavidez Award for Artistic Achievement (1982), Cecille Lloyd Award for Best Country Ballad (1985) and Awit Awards for Best Country Ballad (1992). Siya ay Past-President ng Filipino Society of Composers, Authors and Publishers (FILSCAP) at ngayon ay Resident Judge na may titulong "Pambansang Suplado" sa pinaka-credible na Songwriting Competition sa bansa, ang A SONG OF PRAISE Music Festival ng UNTV. Si Doc Mon ay isa ring regular lecturer sa Mowelfund Film Institute na nagtuturo ng Musical Scoring sa mga batang film makers. Sa labas ng Music at Entertainment industries, siya ay isang Triple Licensed Financial Planning Consultant. Ang kanyang pinagkakaabalahan ngayon ay mga proyekto na naglalayong makapag-turo sa mga baguhang songwriters upang mapalusog at mapatingkad ang kanilang mga talento!